Eusebius Fermendžin; Acta Bosnae potissium ecclesiastica, Zagabria 1892., str. 87.—89.
CCCCLXXXII. 1408, 28 Decembris, in Bosna.
Ostoja, rex Bosnae, capitano Georgio comiti "Vucichio" eorumque filiis et posteris diversas possessiones in Dalmatia et Hercegovina confert.
In nomine sanctissime et individue Trinitatis Amen. Nos Ostoja, Dei gratia rex Bosnie, Vsorie, Inferioris partis, Hungarie (?) et Sclavonie(?) etc. Per has nostras patentes literas pateat omnibus ad quos pertinet, quod propter fidem et optimam servitutem nobis, Ostoje regi et filio nostro Stephano, per capitaneum Georgium et comitem Vucichium, fratres Radivojevich et eorum filios, praestitam tunc, quando a Bosnensibus expulsi fuimus, et stetimus in quodam loco, nuncupato Bobovaz, quorum opere et optima servitute ac fide erga nos praestita iterum in regnum nostrum repositi fuimus, tanquam hi, quos regnare decet, — quocirca propter eorum erga nos bene merita et fidem indubitatam, Nos Ostoja rex iureiurando in animam nostram regiam filiique nostri Stephani predicti dedimus eidem capitaneo Georgio, comiti Vucichio, eorum filiis posterisque eorum, ut quidquid aliquis eorum vel ipsorum antecessores peccaverint, aut aliquid contrarium egerint nobis aut nostratibus aut antecessoribus nostris usque ad presens, omnia (con)donavimus eis, et quod nunquam in perfidiam illis possit adscribi, nec propter hoc ipsi possint aliquod damnum pati, aliqua data opera vel ex proposito, neque clam neque palam nobis viventibus, neque in posterum, neque illi, neque eorum posteri in sempiternum.
Insuper propter hanc fidelitatem nobis Ostoje regi et filio nostro Stephano per dictum capitaneum Georgium et comitem Vucichium et eorum filios prestitam, predicto capitaneo Georgio, comiti Vucichio, eorum filiis ceterisque posteris dedimus et adscripsimus in patrimonium in secula seculorum:
Almissium civitatem una cum Primorje, ab utroque latere Cettine, videlicet Primorje usque ad Zarnovizam, cum omnibus iuribus et territoriis, que pertinent Almissio, et quod pertinebat ad Almissium temporibus regum Ludovici et Sigismundi.
Provinciam Cisalpinam et Transalpinam, dictam Gorscam Zupam, cum omnibus iuribus et territoriis.
Civitatem Crussevaz et Blato cum omnibus iuribus et territoriis.
Brochno provinciam cum omnibus iuribus et territoriis.
Lucam provinciam ab utroque latere Narente, exceptis iuribus capitanei Sandagli et eiusdem famulorum.
Et gabelas subtus Visochium.
Et barcaneum na Volivina.
Et barcaneum na Norin.
Et aliam partem Drinscoga.
Et provinciam Vechenicum usque ad Narentam, cum omnibus iuribus et territoriis, exceptis iuribus, que sunt illorum de Millatovich et Budisaljich.
Oppidum Imoschi cum provincia Imota et Posusije cum omnibus iuribus et territoriis.
Locum Duarum cum provincia Radobilie et provinciam Podsusie cum omnibus iuribus et territoriis.
Provinciam Rachitno cum omnibus iuribus et territoriis.
Provinciam Drezniza cum omnibus iuribus et territoriis.
Oppidum na Poglich et ipsa Poglia.
Provinciam Planinam cum omnibus iuribus et territoriis.
Regionem Crainam a Narenta usque ad Cetinam cum omnibus valachiis existentibus inter Narentam et Cetinam.
Neumscam regionem cum omnibus iuribus et territoriis, cum confinibus et aquis et montibus et gabellis, barcaneis et terraticis jam dicto capitaneo Georgio, comiti Vucichio, eorum filiis et posteris dedimus et damus libenti munere et alacri animo, in patrimonium in secula seculorum; nec possit istud perverti nec annulari, nec aliquid addi, nec detrahi, eidem capitaneo Georgio, comiti Vucichio et eorum filiis et posteris, et hoc aliqua de causa neque ullo modo excogitari possit, neque propter aliquod suprascriptorum delictum, quousque non incurrerint in futurum aliquam infidelitatem iidem capitaneus Georgius, comes Vuchich, et ipsorum filii Stephanus, Paulus, Nicolaus, Vlaticus, Vuk Vuchichievich et eorum posteri, que cognosci debeat Ungarica, Bosnica, Venetica et Ragusana iustitia, propter quam infidelitatem huiusmodi iustitia cognoscet eos capite puniri dignos; itaque non possint intus regnum nostrum condemnari ad vincula, neque in bonis iidem capitaneus Georgius, comes Vuchich, eorum filii et posteri.
Insuper propter maiorem erga nos gratiam et maiora benemerita dictorum capitanei Georgii, comitis Vuchichii, eorum filiorum, nos Ostoja rex et filius noster Stephanus, confirmamus iam dicto capitaneo Georgio et comiti Vuchichio, eorum filiis et posteris, omnia privilegia nostra et predecessorum nostrorum, que habent a quibuscunque regibus et potentatibus quocunque modo vel opere; et quicumque vellet contradicere huic nostre concessioni, voluntate, iustitia vel litteris vel aliquo alio opere huiusmodi contradicente. Nos Ostoja rex et filius noster Stephanus iuramus et iuravimus, quod suprascripte concessioni et privilegis ne utique derogare volumus, nec ea in aliqua parte abrogare; et ideo iureiurando iuravimus per Deum viventem et eius genitricem Mariam virginem, per quatuor evangelistas, duodecim apostolos, quadraginta electos et omnes beneplacitos, quod nos rex Ostoja et noster filius Stephanus, vel aliquis nostrorum posterorum non contraveniemus his, que supra concessimus eisdem capitaneo Georgio, comiti Vuchichio, eorum filiis et posteris, ulla data opera nisi propter infidelitatem, prout diximus; alioquin maledicimur a sanctissima Trinitate et ab omnibus sanctis suprascriptis, et quod abiuremur Deo fidem, iustitiam et angelum Dei in die extremi iudicii Dei.
Huic adsum testes: dominus rex cum fratribus, comes Paulus cum fratribus, comes Radoje cum fratribus, comes Butrech cum fratribus et prestantioribus Bosne, comes Radam Dragoevich et procurator comes Gjura Georgii Dragichievich. Datum Bosne, die Innocentium, in die Veneris mensis Decembris, anno millesimo quatricentesimo octavo.
1684 addi 26 Settembre. Almissa.
Gli attestati privilegi, di carte 14, furono fatti copiare da me cancelliere infrascritto, per mano a me fedele, e restarano incontrati, parola per parola, con gli autentici esistenti nella cassa della comunità d' Almissa che perciò restano corroborati con la mie sottoscrizione:
(L.S.S.N.) Gioachin Cadamuro cancelliere pretorio.
Lauro Moller cancelliere pretorio. Lauro Moller d' Almissa ho fatto copiar d' altra simile autentica esistente in un libro incontrato, sottoscrito e sigilato.
(L.S.S.M.) Lauro Moller cancelliere pretorio.
Edidit G. Alačević in Bulletino di Archeologia e Storia Dalmata per cura di G. consil. Alačević e Fr. prof. Bulić, anno VII, Dicembre 1884 p. 1888. Confer et Lucić: Memorie di Traù p. 391 ubi pars huius documenti edita est. Sublestae fidei. Versio e slavo.
